उनी र यिनी

Anup Neupane

अनुप न्यौपाने, टोरोन्टो, क्यानाडा

“उनी” अर्थात नियाग्रा फल्स
“यिनी” अर्थात मेरी अर्धाङ्गिनी

उनी अविरल बग्छिन,
म यिनमा अबिरल बग्छु !
उनको बगाईमा बहाव छ,
म यिनको बहावमा बग्छु!

छाङ्गो उनको झरझर झर्छ,
प्रेम यिनको मेरो कणकणमा बस्छ!
उनी प्रकृति कि बडो अजब धारा,
यिनी मेरी एकमात्र सहारा!

उनी बिशाल जलकी निलाम्य खन्ड,
यिनी रगरगमा बहने अमृत तरंग!
उनी हिउँ झैं टलक्क टल्किने,
यिनी जून झैं झलल्ल झल्किने!

उनको छिट्टा स्पर्शको मीठो काउकुती,
साथ हो यिनको सुखद अनुभुति!
सामुन्ने उनको मन्त्रमुग्ध छ यो कवि,
ढलेछु म त देखेर यिनको यो छवि!

•उनि जननी धरती झिलमिलाउने,
यिनी अर्धाङ्गिनि परिवार सुहाउने!
उनी आश्चर्यता कि अदभूत घटा,
यिनी समर्पण की घनाभुत छटा!

समुन्द्रमा ओझल उनको गन्तव्य,
यिनिमै बिलिन मेरो मन्तब्य!

कलकल छहरा भुगोल रमाउने-२
छाड्नुस भुगोलका कुरा,
म त यिनिमै रमाउने,बिलाउने,
र यिनिमै अस्ताउने!

धन्यवाद ।
(नियाग्रा फल्स र श्रीमती साक्षी राखी बुनेको कविता )